بوكستىڭ كٷنٸ بٸتۋگە جاقىن. الايدا, ونى قۇتقارىپ قالۋ قازاقستاندىق گەنناديي گولوۆكيننٸڭ (36-0, 33 كو) قولىندا. مۇنداي پٸكٸردٸ تٶرت بٸردەي سالماق دەرەجەسٸندە ەلەمنٸڭ ەكس-چەمپيونى امەريكالىق بوكسشى روي دجونس (64-9, 46 كو) ايتتى, دەپ حابارلايدى "ۇلت اقپارات" BNews.kz پورتالىنا سٸلتەمە جاساپ.
«گولوۆكين مەكسيكالىق ساۋل الۆارەسپەن (48-1-1, 34 كو) جەكپە-جەك ٶتكٸزۋگە قالاي دا قول جەتكٸزۋٸ تيٸس. سەبەبٸ, قازٸر ورتا سالماقتا ودان ٶزگە مىقتى بوكسشى قالمادى. وعان ەزٸرگە ەڭ لايىقتى قارسىلاس – كانەلو عانا. نەمەسە كەلەسٸ سالماققا اۋىسىپ, قارسىلاستى سول جاقتان ٸزدەۋٸ كەرەك.
قازٸر بوكس ەلەمٸ قۇردىمعا كەتٸپ بارادى. سوندىقتان, بوكستى قۇتقارۋدىڭ جالعىز جولى – GGG-دٸڭ قولىندا, ياعني, گولوۆكين مەن الۆارەس جەكپە-جەگٸن ۇيىمداستىرۋ. قازاقستاندىق بوكسشى مۇنى ٶز قولىنا الماسا, بوكستى كەبٸندەپ, جەر قوينىنا تاپسىرا بەرۋگە بولادى», - دەيدٸ روي دجونس.
ايتا كەتەيٸك, ٶتكەن اپتادا روي دجونس پەن گەنناديي گولوۆكين مەحيكودا كەزدەسكەن بولاتىن. ول وسى كەزدەسۋدە وتانداسىمىزدى اتى اڭىزعا اينالعان بوكسشىلار تٸزٸمٸنە قوستى.
