Foto: Aqorda
Germaniianyń Federaldy kantsleri Olaf Sholts Qazaqstan prezidenti Qasym-Jomart Toqaevtyń shaqyrýymen resmi saparmen keldi, dep habarlaidy "Ult Aqparat".
Astana qalasynyń áýejaiynda Olaf Sholtsti Qazaqstan Premer-Ministri Oljas Bektenov qarsy aldy.
Germaniianyń Federaldy kantsleri «Ortalyq Aziia + Germaniia» ekinshi sammitine qatysyp, sammit aiasynda saýda-ekonomikalyq ózara is-qimyl men birlesken investitsiialyq jobalardy iske asyrýdy talqylaidy. Sondai-aq, keń aýqymdy baǵyttar boiynsha strategiialyq yntymaqtastyq pen áriptestik máseleleri týraly sóilesý josparlanýda.
Germaniia Qazaqstannyń mańyzdy saýda jáne investitsiialyq seriktesi sanalady. 2024 jyldyń 7 aiynda Qazaqstan men Germaniia arasynda ózara saýda kólemi ótken jyldyń sáikes kezeńimen salystyrǵanda 13%-ǵa ósip, $2,3 mlrd-ty qurady.
Ótken jyldyń qorytyndysy boiynsha Germaniiadan Qazaqstanǵa tikelei investitsiialar kólemi 64%-ǵa ulǵaiyp, $770 mln-ǵa jetti. Qarajattyń negizgi bóligi basymdyq berilip otyrǵan ekonomikanyń shikizattyq emes sektoryn damytýǵa baǵyttalǵan.
