Germaniia Parlamenti adamnyń beti men denesin tolyqtai jaýyp turatyn niqab kiimin kiiýge tyiym salý týraly zań jobasyn maquldady, - dep habarlaidy Vesti.ru. Bul - keibir musylman áielderi kietin bet búrkep, tek kózin ǵana kórsetetin jamylǵy.
Tyiym jalpyǵa birdei emes, ázirge tek memlekettik qyzmetkerlerge, sýdialarǵa jáne áskerilerge salynady.
"Integratsiia, bul bizdiń qundylyqtarymyzdy naqty kórsetip, taratýdy bildiredi. Biz maquldaǵan zań jobasy mańyzdy úles qosady", - dedi GFR ishki ister ministri Tomas de Mezer.
Eske salaiyq, niqabqa ishinara tyiym salý týraly ótken jyldyń aiaǵynda GFR kantsleri Angela Merkel aitqan bolatyn. Niqab - arab elderinde, ásirese Saýd Arabiiasynda, Iemende, Bahreinde, BAÁ keń taralǵan. Sonymen qatar Siriia, Somali, Pákistan, Úndistan, Aýǵanstan elderindegi áielder de kiedi.
Aita keteiik, osyǵan deiin QR Prezidenti Nursultan Nazarbaev qysqa balaq pen saqal qoiýǵa tyiym salý kerektigin aitqan bolatyn. Keiin Din isteri komitetiniń tóraǵasynyń mindetin atqarýshy Baqytjan Kúlekeev elimizde qara kiim kiiýge tyiym salady delingen zań jobasy Parlamentke kúzde túsýi múmkin ekenin aitqan edi. Al óz kezeginde Qazaqstan musylmandary dini basqarmasynyń ókilderi kózge ersi kórinetin, dene bitimin aiqyndaityn, qara tústi kiim-keshekterdi paidalanbaǵan durys ekenin jáne paranja (niqab) men "qara kiim kiiý - saltymyzǵa qaishy, bul ata-babalarymyzdyń joly emes" ekenin aitqan edi.
