Pandemiia bastalǵannan beri Germaniiada alǵash ret infektsiia juqtyrýdyń jańa jaǵdailarynyń sany 150 000-nan asty, apta saiynǵy infektsiia juqtyrý deńgeii 900-den asty. Reanimatsiia bólimsheleriniń júktemesi de artyp keledi, biraq tómen deńgeide qalyp otyr, dep habarlaidy QazAqparat Deutsche Welle-ge silteme jasap.
Ótken táýlikte virýs juqtyrý jaǵdailarynyń sany 164 myńdy qurady (bir kún buryn – 126 955 jáne ótken sársenbide 112 323). Osylaisha, 21 qańtarda tirkelgen 140 160 burynǵy eń joǵary kórsetkishten asyp ketti.
Germaniiadaǵy koronavirýsqa qarsy shekteýlerdi kúsheitýdiń nemese álsiretýdiń eń mańyzdy kriteriii - qarqyndy terapiia bólimsheleriniń júktemesi de ósip keledi, biraq áldeqaida tómen qarqynmen.
Meditsinalyq mekemelerdiń málimetteri boiynsha 100 myń halyqqa shaqqanda 4,07-ge deiin ósti; eki kún buryn ol 3,87 bolǵan. Bul kórsetkish 2020 jyldyń Rojdestvo kezeńinde eń joǵary deńgeige jetti.
