Álemdegi eń iri - "Oktoberfest" syra festivali koronavirýsqa bailanysty biyl ótpeitin boldy. Bul týraly seisenbi kúni Bavariia premer-ministri Markýs Zeder málim etti, dep habarlaidy "Ult aqparat".
«2020 jyly Oktoberfest toqtatylýy tiis. Qaýip óte joǵary. Sizder qashyqtyq saqtai almaisyzdar, maska da taqpaisyzdar. Koronavirýstyń ekpesi nemese emi tabylǵanǵa deiin abailap ómir súrý kerek», - dep jazdy Zeder Twitter-de.
Bavariia premeri bul sheshimdi Miýnhen meri Diter Raitermen birge qabyldaǵan.
Oktoberfest saityndaǵy málimet boiynsha, shara 2021 jyldyń 18 qyrkúieginde ótedi.
Álemge tanymal Germaniiadaǵy shara osy jyldyń 19 qyrkúiegi men 4 qazany aralyǵynda ótýi tiis edi.
Qazirgi Oktoberfest dástúri XIX ǵasyrdyń aiaǵynan bastaý alady. Eki apta ishinde festivalge alty million adam keledi. Olar Miýnhende shamamen 1 mlrd eýro jumsaidy.
