ەلەمدەگٸ ەڭ ٸرٸ - "وكتوبەرفەست" سىرا فەستيۆالٸ كوروناۆيرۋسقا بايلانىستى بيىل ٶتپەيتٸن بولدى. بۇل تۋرالى سەيسەنبٸ كٷنٸ باۆارييا پرەمەر-مينيسترٸ ماركۋس زەدەر مەلٸم ەتتٸ, دەپ حابارلايدى "ۇلت اقپارات".
«2020 جىلى وكتوبەرفەست توقتاتىلۋى تيٸس. قاۋٸپ ٶتە جوعارى. سٸزدەر قاشىقتىق ساقتاي المايسىزدار, ماسكا دا تاقپايسىزدار. كوروناۆيرۋستىڭ ەكپەسٸ نەمەسە ەمٸ تابىلعانعا دەيٸن ابايلاپ ٶمٸر سٷرۋ كەرەك», - دەپ جازدى زەدەر Twitter-دە.
باۆارييا پرەمەرٸ بۇل شەشٸمدٸ ميۋنحەن مەرٸ ديتەر رايتەرمەن بٸرگە قابىلداعان.
وكتوبەرفەست سايتىنداعى مەلٸمەت بويىنشا, شارا 2021 جىلدىڭ 18 قىركٷيەگٸندە ٶتەدٸ.
ەلەمگە تانىمال گەرمانيياداعى شارا وسى جىلدىڭ 19 قىركٷيەگٸ مەن 4 قازانى ارالىعىندا ٶتۋٸ تيٸس ەدٸ.
قازٸرگٸ وكتوبەرفەست دەستٷرٸ XIX عاسىردىڭ اياعىنان باستاۋ الادى. ەكٸ اپتا ٸشٸندە فەستيۆالگە التى ميلليون ادام كەلەدٸ. ولار ميۋنحەندە شامامەن 1 ملرد ەۋرو جۇمسايدى.
