Germaniiada Ekinshi dúniejúzilik soǵystan qalǵan bomba tabylyp, 16 myń adam evakýatsiialandy, dep xabarlaidy Frankfurter Rundschau basylymy.
Germaniianyń Maindaǵy Frankfýrt qalasynda II Dúniejúzilik soǵystan qalǵan bomba tabylyp, 16 myń turǵyn qaýipsiz jerge kóshirildi.
Salmaǵy 500 kg snariad Eýropa ortalyq banki ǵimaratynyń aldyndaǵy qurylys jumystary kezinde tabylǵan.
inFranken.de basylymynyń jazýynsha, snariad Amerikada jasalǵan. Bombany zalalsyzdandyrmas buryn 1 km radiýstaǵy keńseler men turǵyn úilerden adamdardy túgel evakýatsiialaýǵa sheshim qabyldanǵan. Atalǵan sheńberde bank ǵimaraty, temirjol vokzaly, qaladaǵy elektr poiyzdardyń aialdamalary, politsiia ýchaskesi, qarttar úii, zoopark, turǵyn úiler - uzyn-yrǵasy 1000-nan astam ǵimarat bar.
Bilik ókilderi úime-úi kirip tekserip júr. Jalpy 16,5 myńnan astam evakýatsiialanady.
Mamandardyń aitýynsha, bombany zalalsyzdandyrýǵa 4 saǵattai ýaqyt ketedi.
