Germaniiada 8 sáýir kúni, iaǵni bir táýlikte koronavirýsqa qarsy vaktsinany 719 myń turǵyn aldy, dep habarlaidy "Ult aqparat".
Otbasylyq dárigerlerge vaktsina salýǵa ruqsat etilgennen keiin Germaniiada vaktsinalanǵandar sany rekordtyq kórsetkishke jetti. Osy aptanyń basynda GFR-dyń barlyq jeri boiynsha 35 myńǵa jýyq jalpy praktika dárigeri naýqastardy vaktsinalaýǵa qosyldy, bul bilikke halyqty vaktsinalaýdy jedeldetýge aitarlyqtai kómektesti.
7 sáýirde Germaniiada 656 myń doza qoldanyldy, bul aldyńǵy kúnderge qaraǵanda 290 myńǵa kóp. Sondai-aq sáýir aiy bastalǵaly elge vaktsinalardyń qosymsha partiiasy jetkizilýde.
Germaniiadaǵy turǵyndardyń shamamen 14 paiyzy bir dozadan qabyldady. Halyqtyń shamamen 6 paiyzy eki dozany qabyldady.
Ázirge otbasylyq dárigerlerde az mólsherde vaktsina dozalary bar. Birinshi aptada bul dárigerlerge barlyǵy 940 000 vaktsina alynady, bul bir dárigerge orta eseppen 26 dozadan keledi.
Sondai-aq 26 sáýirden bastap preparattardyń jetkizilimi ulǵaiýy múmkin, otbasylyq dárigerlerge aptasyna úsh millionnan astam doza qoljetimdi bolady dep kútilýde.
Barlyǵy Germaniiada vaktsinatsiia bastalǵannan beri 2020 jyldyń jeltoqsan aiynyń sońynan bastap 16,26 million doza vaktsina salyndy.
