گەرمانييادا 8 سەۋٸر كٷنٸ, ياعني بٸر تەۋلٸكتە كوروناۆيرۋسقا قارسى ۆاكتسينانى 719 مىڭ تۇرعىن الدى, دەپ حابارلايدى "ۇلت اقپارات".
وتباسىلىق دەرٸگەرلەرگە ۆاكتسينا سالۋعا رۇقسات ەتٸلگەننەن كەيٸن گەرمانييادا ۆاكتسينالانعاندار سانى رەكوردتىق كٶرسەتكٸشكە جەتتٸ. وسى اپتانىڭ باسىندا گفر-دىڭ بارلىق جەرٸ بويىنشا 35 مىڭعا جۋىق جالپى پراكتيكا دەرٸگەرٸ ناۋقاستاردى ۆاكتسينالاۋعا قوسىلدى, بۇل بيلٸككە حالىقتى ۆاكتسينالاۋدى جەدەلدەتۋگە ايتارلىقتاي كٶمەكتەستٸ.
7 سەۋٸردە گەرمانييادا 656 مىڭ دوزا قولدانىلدى, بۇل الدىڭعى كٷندەرگە قاراعاندا 290 مىڭعا كٶپ. سونداي-اق سەۋٸر ايى باستالعالى ەلگە ۆاكتسينالاردىڭ قوسىمشا پارتيياسى جەتكٸزٸلۋدە.
گەرمانيياداعى تۇرعىنداردىڭ شامامەن 14 پايىزى بٸر دوزادان قابىلدادى. حالىقتىڭ شامامەن 6 پايىزى ەكٸ دوزانى قابىلدادى.
ەزٸرگە وتباسىلىق دەرٸگەرلەردە از مٶلشەردە ۆاكتسينا دوزالارى بار. بٸرٸنشٸ اپتادا بۇل دەرٸگەرلەرگە بارلىعى 940 000 ۆاكتسينا الىنادى, بۇل بٸر دەرٸگەرگە ورتا ەسەپپەن 26 دوزادان كەلەدٸ.
سونداي-اق 26 سەۋٸردەن باستاپ پرەپاراتتاردىڭ جەتكٸزٸلٸمٸ ۇلعايۋى مٷمكٸن, وتباسىلىق دەرٸگەرلەرگە اپتاسىنا ٷش ميلليوننان استام دوزا قولجەتٸمدٸ بولادى دەپ كٷتٸلۋدە.
بارلىعى گەرمانييادا ۆاكتسيناتسييا باستالعاننان بەرٸ 2020 جىلدىڭ جەلتوقسان ايىنىڭ سوڭىنان باستاپ 16,26 ميلليون دوزا ۆاكتسينا سالىندى.
