Germaniianyń ońtústik-batysynda bir motorly ushaq apatty jaǵdaida qondy, ushqysh jeńil jaraqat aldy. Bul týraly Pirmazens (Reinland-Pfaltsfederaldy jeri) qalasynyń politsiia basqarmasy Twitter-de jazdy dep habarlaidy QazAqparat.
Oqiǵa saǵat keshe, saǵat 12 shamasynda bolǵan. 72 jastaǵy ushqysh ushaqty tikelei Reinland-Pfaltstaǵy 62 avtobanyndaǵy Shvartsbahtalbriýkke kópirine qondyrǵan. Ushaq tas jol boiymen kele jatqan júk kóligimen soqtyǵysqan, júrgizýshi zardap shekken joq.
Ushaq Frantsiiadan Tómengi Saksoniiaǵa ushyp bara jatqanda kenetten qozǵaltqyshy isten shyqqan. Ushqysh ushaqty qaida qondyratynyn tez arada sheshýge májbúr bolǵan. Shvartsbahtalbriýkke biiktigi shamamen 100 m, ol Shvartsbah ózeniniń alqabyn kesip ótedi. Avtobanda shamamen saǵat 18:00-ge deiin kólik qozǵalysy tolyǵymen jabyldy.
