گەرمانييانىڭ وڭتٷستٸك-باتىسىندا بٸر موتورلى ۇشاق اپاتتى جاعدايدا قوندى, ۇشقىش جەڭٸل جاراقات الدى. بۇل تۋرالى پيرمازەنس (رەينلاند-پفالتسفەدەرالدى جەرٸ) قالاسىنىڭ پوليتسييا باسقارماسى Twitter-دە جازدى دەپ حابارلايدى قازاقپارات.
وقيعا ساعات كەشە, ساعات 12 شاماسىندا بولعان. 72 جاستاعى ۇشقىش ۇشاقتى تٸكەلەي رەينلاند-پفالتستاعى 62 اۆتوبانىنداعى شۆارتسباحتالبريۋككە كٶپٸرٸنە قوندىرعان. ۇشاق تاس جول بويىمەن كەلە جاتقان جٷك كٶلٸگٸمەن سوقتىعىسقان, جٷرگٸزۋشٸ زارداپ شەككەن جوق.
ۇشاق فرانتسييادان تٶمەنگٸ ساكسونيياعا ۇشىپ بارا جاتقاندا كەنەتتەن قوزعالتقىشى ٸستەن شىققان. ۇشقىش ۇشاقتى قايدا قوندىراتىنىن تەز ارادا شەشۋگە مەجبٷر بولعان. شۆارتسباحتالبريۋككە بيٸكتٸگٸ شامامەن 100 م, ول شۆارتسباح ٶزەنٸنٸڭ القابىن كەسٸپ ٶتەدٸ. اۆتوباندا شامامەن ساعات 18:00-گە دەيٸن كٶلٸك قوزعالىسى تولىعىمەن جابىلدى.
