Germaniiada koronavirýstyń jyldam órshýine bailanysty jańa shekteý sharalary engizildi. Tiisti sheshimdi sársenbi, 28 qazan kúni Kantsler Angela Merkel jáne 16 federaldy aimaqtyń premer-ministrleri qabyldady, dep habarlaidy dw.com saity.
Qarasha aiynda el turǵyndary áleýmettik qarym-qatynasty barynsha azaitýǵa mindetteldi. Barlyq kóńil kóterý oryndary, meimanhanalar, dámhanalar men kóptegen qyzmet kórsetý nysany bir aiǵa jabylady.
Jańa shekteýler 2 qarashadan bastap aidyń sońyna deiin engizilip otyr.
A.Merkel baspasóz máslihatynda málim etkendei, sońǵy 10 kúnde nemis klinikalarynyń intensivti terapiia bólimshelerindegi naýqastar sany eki esege artqan, 9 kúnde ókpeni jasandy jeldetý apparattaryna qosylǵan naýqastar sany eki esege kóbeigen.
«Aldaǵy ýaqytta densaýlyq saqtaý júiesine júktemeniń artýyn boldyrmaý úshin ýaqyt sozbai áreket etý qajet», - dedi Merkel.
Onyń aitýynsha, pandemiiamen kúrestegi eń mańyzdy máseleniń biri – koronavirýs juqtyrǵandarmen bailanysta bolǵan tulǵalardy baqylaý. Degenmen, qazirgi ýaqytta densaýlyq saqtaý salasy mundai kontaktilerdiń 75 paiyzǵa jýyǵyna baqylaý júrgizýge qaýqarsyz.
Áleýmettik bailanys barynsha shekteledi
2 qarashadan el azamattary óz úilerinen tys aýmaqta áleýmettik qarym-qatynasty barynsha azaitýy tiis. Qoǵamdyq orynda eki úidiń adamdaryna (10 adamnan artyq emes) ǵana kezdesýge ruqsat. Kóshelerdegi, turǵyn úilerdegi jáne jekemenshik ýchaskelerdegi ózge kezdesýler men merekelerge tyiym salynady. Talapty saqtamaǵandar jaýapkershilikke tartylady.
Sondai-aq aldaǵy aida jeke saparlardan, týǵan-týystarǵa barýdan bas tartý usynylyp otyr.
GFR qonaqúileri kelýshilerdi dáleldi sebeppen ǵana qabyldai alady. Týristerdi qabyldaýǵa tyiym bar.
Qandai nysandardyń jumysyna ruqsat?
Germaniiada barlyq kóńil kóterý, demalys mekemeleri – teatrlar, kinoteatrlar, kontsert zaldary, kórme ortalyqtary, oiyn salondary, kazino, demalys saiabaqtary, fitnes-klýbtar, kásibi emes sportklýbtar, júzý basseinderi jabylady. Bul rette, dalada jeke adamdardyń sportpen shuǵyldanýyna ruqsat berilip otyr.
Budan bólek, qyzmet kórsetý oryndary – massaj, sulýlyq salondary jabylady.
Meiramhanalar men kafeler de qyzmetin toqtatady. Degenmen, «ózimen alyp ketý» shartymen tamaq satatyn nysandardyń jumysy jalǵasady.
Shashtarazdar men fizioterapiialyq kabinetterdiń jumysy toqtamaidy.
Mektepter men balabaqshalar qalypty rejimde jumys istei beredi.
Jańa shekteýler kásipqoi sportqa da qatysty bolyp otyr. Kez kelgen matchtar, sonyń ishinde Býndesligadaǵy jarystar – kórermendersiz ótedi.
Málim etilgendei, karantindik talaptar eki aptadan keiin qaita qaralýy múmkin.
Merkel men federaldy jerlerdiń premer-ministrleri eki aptadan soń kezdesip, qabyldanǵan sharalardyń qoiylǵan mindetke sáikes kelýin teksermek. Qajet bolǵan jaǵdaida shekteýlerge ózgeris engizý josparlanǵan.
Aita keteiik, Germaniiada sońǵy táýlikte koronavirýs 15 myńǵa jýyq adamnan anyqtaldy. Bul, ótken sársenbimen salystyrǵanda eki esege jýyq kóp. Jáne bul, pandemiia bastalǵaly eń úlken kórsetkish.
