Germaniia koronavirýstyń jańa shtamynyń taralýynan qorǵanaý maqsatynda shekara qyzmetindegi karantindik sharalardy kúsheitti. Bul týraly Euronews habarlady.
Germaniiada jeksenbiden bastap shekaralyq aimaqta karantin sharalary kúsheitildi. Atalǵan el Chehiiamen shekaralyq baqylaý talaptaryn qatańdatyp, Avstriia federaldy aýmaǵyna kiretin Tirol jerimen bailanysatyn shekarasyn japty.
Eske salsaq, buǵan deiin Germaniiada COVID-19 taralý indikatory turaqty túrde tómendeýde – sońǵy 7 kúnde 100 000 turǵynǵa shaqqanda 64,2 adamnyń indetti juqtyrý jaǵdaiy tirkelgeni týraly habarladyq. Bul kórsetkish 50-ge deiin tómendegen kezde epidemiiaǵa qarsy qatań karantindik sharalardy jeńildetpek.
