Germaniia prezidenti Frank-Valter Shtainmaier óz eliniń Reseimen qarym-qatynasy deńgeiine kóńili tolmaidy. Bul týraly ol Máskeýde Resei prezidenti Vladimir Pýtinmen kezdeskennen keiin málimdedi.
Shtainmaier Reseidiń Qyrymdy anneksiialaýy men Ýkrainanyń shyǵysyndaǵy janjalǵa qaramastan, eki el qarym-qatynasty jaqsartý úshin, birlesip kúsh jumsaý keregin aitty.
Pýtin bolsa Germaniia prezidentiniń eline saparynan keiin eki jaqty qarym-qatynas nyǵaiady degen úmittenetinin bildirdi. Pýtin sonymen birge Shtainmaiermen Ýkraina shyǵysyndaǵy jaǵdaidy talqylaǵanyn aitty.
"Germaniia men Resei arasyndaǵy qarym-qatynastyń salqyndyǵynan Shtainmaierdiń Reseige sapary memlekettik deńgeide emes, jumys sapary retinde jasaldy" dep jazady Deutsche Welle.
