Qazirgi krizis jaǵdaiynda turǵyndar asa qajetti taýarlardy alyp qoiǵany durys. Bul týraly Germaniianyń Ishki ister ministri Nensi Feizer jergilikti basylymdardyń birine bergen suhbatynda aitty, dep habarlaidy QazAqparat.
«Qazirgi krizis kóp dúniege muqtaj ekenimizdi anyq kórsetti, iaǵni azamattyq qorǵanys týraly aityp otyrmyn. Eger elektr jaryǵy uzaq ýaqytqa sónse nemese kúndelikti ómirimizde basqa birdeńe bolmasa, úide asa qajetti azyq-túlikterdi alyp qoiǵan durys», - dedi nemis ministri.
Germaniianyń IIM basshysy jergilikti turǵyndardyń nazaryna tótenshe jaǵdaida bir adamǵa on kúnge qajetti azyq-túlik tizimin usyndy. Ol usynǵan on kúndik bazalyq tamaq qory mynadai: kúnine 2 litr kóleminde suiyqtyq, barlyǵy 20 litr; jarma, astyq ónimderi, nan, kartop, makaron ónimderi, kúrish: 3,5 kg; kókónister, burshaq tuqymdastar: 4 kg; jemister, jańǵaqtar: 2,5 kg; sút, sút ónimderi: 2,6 kg; balyq, et, jumyrtqa nemese tutas jumyrtqa untaǵy: 1,5 kg; mailar: 0,375 kg.
Germaniia turǵyny azyq-túlik qoryn josparlaǵanda jeke qajettiligin, dietalyq talaby men allergiiasyn esepke alýy tiis. Dári-dármekterge qatysty jeke tizim bolǵany jón, olardyń arasynda aýyrsynýdy basatyn, sýyqqa qarsy, dezinfektsiialyq, diareiaǵa qarsy jáne basqa da dári-dármekter bolýy kerek.
