قازٸرگٸ كريزيس جاعدايىندا تۇرعىندار اسا قاجەتتٸ تاۋارلاردى الىپ قويعانى دۇرىس. بۇل تۋرالى گەرمانييانىڭ ٸشكٸ ٸستەر مينيسترٸ نەنسي فەيزەر جەرگٸلٸكتٸ باسىلىمداردىڭ بٸرٸنە بەرگەن سۇحباتىندا ايتتى, دەپ حابارلايدى قازاقپارات.
«قازٸرگٸ كريزيس كٶپ دٷنيەگە مۇقتاج ەكەنٸمٸزدٸ انىق كٶرسەتتٸ, ياعني ازاماتتىق قورعانىس تۋرالى ايتىپ وتىرمىن. ەگەر ەلەكتر جارىعى ۇزاق ۋاقىتقا سٶنسە نەمەسە كٷندەلٸكتٸ ٶمٸرٸمٸزدە باسقا بٸردەڭە بولماسا, ٷيدە اسا قاجەتتٸ ازىق-تٷلٸكتەردٸ الىپ قويعان دۇرىس», - دەدٸ نەمٸس مينيسترٸ.
گەرمانييانىڭ ٸٸم باسشىسى جەرگٸلٸكتٸ تۇرعىنداردىڭ نازارىنا تٶتەنشە جاعدايدا بٸر ادامعا ون كٷنگە قاجەتتٸ ازىق-تٷلٸك تٸزٸمٸن ۇسىندى. ول ۇسىنعان ون كٷندٸك بازالىق تاماق قورى مىناداي: كٷنٸنە 2 ليتر كٶلەمٸندە سۇيىقتىق, بارلىعى 20 ليتر; جارما, استىق ٶنٸمدەرٸ, نان, كارتوپ, ماكارون ٶنٸمدەرٸ, كٷرٸش: 3,5 كگ; كٶكٶنٸستەر, بۇرشاق تۇقىمداستار: 4 كگ; جەمٸستەر, جاڭعاقتار: 2,5 كگ; سٷت, سٷت ٶنٸمدەرٸ: 2,6 كگ; بالىق, ەت, جۇمىرتقا نەمەسە تۇتاس جۇمىرتقا ۇنتاعى: 1,5 كگ; مايلار: 0,375 كگ.
گەرمانييا تۇرعىنى ازىق-تٷلٸك قورىن جوسپارلاعاندا جەكە قاجەتتٸلٸگٸن, ديەتالىق تالابى مەن اللەرگيياسىن ەسەپكە الۋى تيٸس. دەرٸ-دەرمەكتەرگە قاتىستى جەكە تٸزٸم بولعانى جٶن, ولاردىڭ اراسىندا اۋىرسىنۋدى باساتىن, سۋىققا قارسى, دەزينفەكتسييالىق, ديارەياعا قارسى جەنە باسقا دا دەرٸ-دەرمەكتەر بولۋى كەرەك.
