Germaniia eldegi shekteý sharalaryn 18 sáýirge deiin uzartty. Bul týraly eldegi 16 óńirdiń basshylyǵy men biligi dúisenbi kúni kelisti. Dárigerler sol kúni 16 myń jańa diagnozdy tirkegen. Búkil el boiynsha aýrýǵa shaldyǵý deńgeii árbir 100 myń adamǵa 100 oqiǵadan asyp tústi, dep habarlaidy "Ult aqparat" Euronews aqparattyq agenttigine silteme jasap.
Alaida karantindi únemi uzartyp otyrý sharalary narazylyq týdyrtyp otyr. Berlin qalasynda týristik jáne qonaqúi salasynyń qyzmetkerleri manifestatsiiaǵa shyqty. Olar bilikten ikemdilikti talap etýde. Osylaisha, keshe nemis biligi Balear araldaryn qaýipti aimaqtar tiziminen alyp tastaǵan soń, nemis jurty sol jaqqa asyǵa bet aldy – olardyń kóbi demalysty týǵan elde ótkizýge daiyn ekenin, biraq ózderinde amal qalmaǵanyn ashyq aitty.
Óz kezeginde, Eýroodaq Madridti shekteý sharalaryn tym qysqartpaýǵa, elge kelip jatqan týrister aǵynyn jan-jaqty qadaǵalaýǵa shaqyrdy: qazirgi kezde Ispaniianyń túrli aimaqtary barlary áli ashyq turǵan Eýropa elderinen qonaqtardy kóptep qabyldaýda.
Osylaisha, Avstriiada shekteý sharalary burynǵydai saqtalyp qalatynyn jariialady.Olar áli kem degende batys Pashasy – sáýir aiynyń birinshi demalystaryna deiin uzartylady. Budan keiin Vena árbir aimaqqa karantinge qatysty sheshimdi ózdiginen qabyldaý quqyǵyn berýge ýáde etýde.
Bosniia jurtynyń da óz úkimetiniń áreketterine kóńili tolmai júr. Bania-Lýkada barlar, meiramhanalar men qonaqúilerdiń ieleri narazylyq sharalaryna shyǵyp, memlekettik kómek kórsetý talabyn bildirdi. Bosniiadaǵy jaǵdai tym kúrdeli: elde vaktsinalaý áli bastalǵan joq, al aýrýǵa shaldyqqan adamdar sany sońǵy eki aptada kúrt ósken, aýrýhanalarda naýqastardy jatqyzatyn oryn azaiyp barady.
