Foto: ashyq derekkózden
Germaniiada qymyzǵa emes, ony óndirý ádisterine ǵana patent bar. Bul týraly Ádilet ministrliginiń resmi ókili Talǵat Ýáli aitty, dep habarlaidy Kazinform agenttigi.
«Qazir qoǵamda dástúrli sýsynymyz – qymyzǵa qatysty alyp-qashpa áńgimeler kóp. Tipti keibir aqparat quraldarynda "qymyzdy Germaniia patenttep alypty" degen áńgime de bar. Osy oraida Germaniiada qymyz ben bie sútine, iaǵni saýmalǵa eshkim patent almaǵanyn atap ótkim keledi. Iá, shynynda da, Germaniiada patentter bar, biraq qymyzǵa emes, ony óndirý ádisterine ǵana. Qymyz Germaniianiki degen túsinik esh ýaqytta bolmaidy. Óitkeni, qymyz tek Qazaqstanda emes, Ortalyq Aziia elderinde óndiriledi. Ol bir eldiń ónimi dep patenttelmeidi», - dedi Talǵat Ýáli.
Resmi ókildiń atap ótýinshe, Germaniiada qymyzdyń qurǵaq untaǵynan kapsýla nemese túiirshiktelgen túrlerin jasaýǵa patent berilgen.
«Al Qazaqstanda ulttyq ótinim óndirýshilerge qymyzdyń ózine emes, tabletkadaǵy qymyzǵa, sondai-aq keptirilgen bie sútine, iaǵni óndirý ádisterine patent berildi», - dedi ol.
