Germaniiada 122 myńnan asa adam koronavirýs juqtyryp, 50 myń naýqas jazylyp shyqty, aýyrǵandar sany azaidy, - dep habarlaidy 24.kz.
Alaida saiasatkerler karantin tártibin tolyq alyp tastaýǵa áli erte deidi.
Eske salaiyq, Germaniiada shekteý merzimi 19 sáýirge deiin uzartylǵan bolatyn. Kelesi aptada saiasatkerler qaita bas qosyp, karantin tártibi jóninde sheshim qabyldaýy tiis. Mamandar koronavirýs juqtyrýshylar sanyn saralap baryp, ortaq mámilege keledi. Jergilikti aqparat quraldarynyń habarlaýynsha, shekteýler jeńildetilse, keibir óńirlerde dámhanalar men dúkender, sál keiin mektepter de ashylýy múmkin. Biraq tutynýshylar sany rettelip otyrady. Densaýlyq saqtaý ministri qabyldanǵan sharalar óz jemisin bergeni jaiynda da habarlandy.
Buqaralyq sharalarǵa tyiym salý jáne balabaqshalar men mektepterdi jabý sekildi shekteýler nátije bergenin aita alamyz. Qazir Germaniiada 3 myńdai naýqas jan saqtaý bólimderinde emdelip jatyr, alaida 10 myńnan astam bos oryn bar - deidi Germaniianyń densaýlyq saqtaý ministri Iens Shpan.
Al osy kezde Baden Viýrtembergtegi farmakologiialyq kompaniia vaktsina shyǵarýǵa kúsh salýda. Mamandar bul dáriniń synaǵyn jazdyń basynda ótkizýdi kózdep otyr. Alǵashynda preparat 100 naýqasqa egiletini belgili boldy. Oń nátije bolsa, jappai qoldana bastaidy.
