Koronavirýs indetiniń ekinshi tolqynyn ótkerip jatqan Germaniia karantindi kúsheitedi. Germaniia kantsleri Angela Merkel 13 jeltoqsanda jańa jyl merekesi aiaqtalǵanǵa deiin dúkenderdiń basym bóligi jabylatynyn habarlady.
16 jeltoqsan men 10 qańtar aralyǵynda mektepter jabyq bolady. Sýpermarket, dárihana siiaqty bólshek saýdamen ainalysatyn keibir saýda oryndary ǵana isteidi. Osy aralyqta bankterdiń de jumys isteýine ruqsat etiledi.
Elde alty aptadan beri jartylai oqshaýlaý sharalary kúshinde. Dámhana men meiramhanalar jabyq. Eýropanyń ózge elderi siiaqty koronavirýs juqtyrǵandar men sonymen bailanysty adam ólimi munda da úzdiksiz ósip jatyr.
Al 14 jeltoqsanda AQSh-ta turǵyndarǵa koronavirýsqa qarsy vaktsina salyna bastaidy. Birneshe aida Amerikanyń ondaǵan million azamatyna Pfizer-BioNTech vaktsinasy egiledi dep aitylady.
AQSh úkimetine qaraityn Operation Warp Speed kompaniiasy ókilderiniń sózine qaraǵanda, 13 jeltoqsanda logistikalyq kompaniialar vaktsinany úilestirý ortalyqtaryna tarata bastaidy. Ol jaqtan aýrýhanalar men meditsina ortalyqtaryna jóneltiledi.
