كوروناۆيرۋس ٸندەتٸنٸڭ ەكٸنشٸ تولقىنىن ٶتكەرٸپ جاتقان گەرمانييا كارانتيندٸ كٷشەيتەدٸ. گەرمانييا كانتسلەرٸ انگەلا مەركەل 13 جەلتوقساندا جاڭا جىل مەرەكەسٸ اياقتالعانعا دەيٸن دٷكەندەردٸڭ باسىم بٶلٸگٸ جابىلاتىنىن حابارلادى.
16 جەلتوقسان مەن 10 قاڭتار ارالىعىندا مەكتەپتەر جابىق بولادى. سۋپەرماركەت, دەرٸحانا سيياقتى بٶلشەك ساۋدامەن اينالىساتىن كەيبٸر ساۋدا ورىندارى عانا ٸستەيدٸ. وسى ارالىقتا بانكتەردٸڭ دە جۇمىس ٸستەۋٸنە رۇقسات ەتٸلەدٸ.
ەلدە التى اپتادان بەرٸ جارتىلاي وقشاۋلاۋ شارالارى كٷشٸندە. دەمحانا مەن مەيرامحانالار جابىق. ەۋروپانىڭ ٶزگە ەلدەرٸ سيياقتى كوروناۆيرۋس جۇقتىرعاندار مەن سونىمەن بايلانىستى ادام ٶلٸمٸ مۇندا دا ٷزدٸكسٸز ٶسٸپ جاتىر.
ال 14 جەلتوقساندا اقش-تا تۇرعىندارعا كوروناۆيرۋسقا قارسى ۆاكتسينا سالىنا باستايدى. بٸرنەشە ايدا امەريكانىڭ ونداعان ميلليون ازاماتىنا Pfizer-BioNTech ۆاكتسيناسى ەگٸلەدٸ دەپ ايتىلادى.
اقش ٷكٸمەتٸنە قارايتىن Operation Warp Speed كومپانيياسى ٶكٸلدەرٸنٸڭ سٶزٸنە قاراعاندا, 13 جەلتوقساندا لوگيستيكالىق كومپانييالار ۆاكتسينانى ٷيلەستٸرۋ ورتالىقتارىنا تاراتا باستايدى. ول جاقتان اۋرۋحانالار مەن مەديتسينا ورتالىقتارىنا جٶنەلتٸلەدٸ.
