Juma kúni Miýnhen qaýipsizdik konferentsiiasynda sóilegen Germaniia kantsleri Angela Merkel Donbass boiynsha Minsk kelisiminde progress baiqalmaitynyn málimdedi.
Merkel Ýkrainanyń shyǵysyndaǵy janjal men oǵan bailanysty Reseidiń is-áreketi Eýropa odaǵy men AQSh-tyń transatlantika odaǵy aldynda turǵan mańyzdy taqyryp ekenin aitty.
Germaniia kantsleri Vashington men Briýssel Donbass máselesin retteýge bailanysty Máskeýmen aradaǵy kelispeýshiligine qaramastan, onymen áriptesikti jalǵastyrýy kerek dep sanaidy.
Miýnhen konferentsiiasy qarsańynda Ýkraina prezidenti keńsesiniń jetekshisi Minsk kelisimin qazirgi qalpynda iske asyrý múmkin emes dep málimdegen. Áitkenmen Kiev kelisimde kózdelgen printsipterdi oryndaitynyn aitqan.
Donbass boiynsha úshjaqty bailanys tobyndaǵy Resei ókili Boris Gryzlov jaqynda Ýkrainany oq atpaý týraly mindettemesin oryndamai, janjal aimaǵyndaǵy ahýaldy shielenistirip otyr dep aiyptaǵan.
- Donbass aimaǵyndaǵy janjal 2014 jyldan beri jalǵasyp keledi. Ýkraina quramyndaǵy Donetsk jáne Lýgansk oblystarynyń bir bóligi Kievke baǵynýdan bas tartqan.
- Janjal bastalǵaly beri 13 myń adam qaza bolǵan. Keminde bir jarym million beibit turǵyn úi-jaiyn tastap, bosyp ketýge májbúr boldy.
- Aimaqtaǵy janjaldy retteýmen Ýkraina, Resei jáne Eýropadaǵy qaýipsizdik pen yntymaqtastyq uiymynyń ókilderinen turatyn úshjaqty bailanys toby ainalysady.
- Janjaldy saiasi retteý máselesimen ainalysatyn, «Norman tórttigi» dep atalatyn tórtjaqty topqa Germaniia, Resei, Ýkraina men Frantsiia memleketteriniń basshylary men syrtqy ister ministrleri kiredi.
- Ýkraina men Batys elderi Reseidi Ýkrainanyń shyǵysyndaǵy qarýly separatisterge járdem kórsetip otyr dep aiyptaidy. Máskeý ol aiyptardy moiyndamaidy.
