Álemde jeksenbi kúngi jaǵdai boiynsha koronavirýs juqtyrǵandar sany 16 million adamǵa jetti. Britaniia taǵy da Ispaniiadan kelýshiler úshin eki aptalyq karantin engizse, Germaniia men Frantsiiada indetke shalyqqandar sany kóbeiýde. Bul týraly VVS agenttigi habarlady.
Britan biligi Ispaniiada koroavirýs juqtyrǵandar sanynyń artýyna bailanysty osy elden kelgenderge 14 kún oqshaýlaný sharasyn mindettedi.
Maýsym aiynda Ispaniiada el boiynsha kúnine 250 aýrý juqtyrý oqiǵasy tirkelse, osy aptada bir kúnde 1,5 myń koronavirýske shaldyǵý deregi tirkeldi.
Belgiia óz azamattaryna Ispaniiaǵa barýǵa tyiym salyp, óz azamattaryna ol elge barýǵa bas tartýǵa keńes berdi.
Osy aptada EO-nyń kóptegen elinde Covid-19 juqtyrǵandar sany artty.
Senbi kúni Frantsiiada jańa infektsiialar sany ekinshi kún qatarynan 1000 adamǵa kóbeigeni týraly habarlandy, iaǵni infektsiianyń deńgeii karantin toqtatylǵanǵa deiin mamyrda baiqalǵan deńgeige qaita oraldy.
Germaniiada juma jáne senbi kúnderi kornavirýs jaǵdailarynyń ósýi baiqaldy, tiisinshe 815 jáne 781, bul – mamyr aiynyń ortasynan bergi eń joǵary ósim.
Germaniia densaýlyq saqtaý ministri atap ótkendei, elde aýrý juqtyrý deńgeii joǵary elderden, sonyń ishinde AQSh pen Braziliia, sondai-aq Túrkiiadan kelgen barlyq demalýshylar úshin koronavirýs mindetti test tapsyrýdy engize bastaidy.
Aýstriia dúisenbiden bastap epidemiologiialyq jaǵdaiy qolaisyz elderden kelýshiler úshin elge kirý erejesin kúsheitedi. 32 memleketten kelýshiler koronavirýsqa tapsyrǵan PTR-test teris nátije kórsetse ǵana elge kire alady.
Belgiianyń Ulttyq qaýipsizdik keńesi shekteýlerdi alyp tastaýdyń besinshi kezeńin engizýdi keiinge qaldyrý, sondai-aq elde aýrý juqtyrǵandar sanynyń ósýine bailanysty maska taǵý rejimdi kúsheitý týraly sheshim qabyldady.
Jeksenbi kúni Iran sońǵy táýlikte koronavirýs juqtyrǵan jańa oqiǵalardyń sany 2 333, qaitys bolý jaǵdailarynyń sany 216 bolǵanyn rastady. Elde idetten kóz jumǵandardyń jalpy sany 15,7 myń.
Sáýir aiynda Iran karantindi álsiretip, meshitter men saýda ortalyqtaryn ashty, alaida qazir bilik taǵy da qoǵamdyq is-sharalardy shektep, halyqty qoǵamdyq kólikte jáne adam kóp jinalatyn jerlerde maska taǵýǵa shaqyrady.
Sońǵy úsh kúnde AQSh-ta árbir 24 saǵat saiyn aýrý juqtyrýdyń jańa jaǵdailarynyń sany 280 myńǵa ósti. Jalpy álemdik statistikada shamamen árbir tórtinshi jaǵdai AQSh-qa tiesili ekenin kórsetedi.
Dúniejúzilik densaýlyq saqtaý uiymy (DDSU) álemde koronavirýstyń taralýy jaǵdaiynyń shielenisip turǵanyn eskertedi.
Úndistanda qiyn jaǵdai qalyptasýda, onda 1,3 mln adamnyń aýrý juqtyrý jaǵdailary tirkelgen. Olardyń 100 myńy - sońǵy eki kúnde anyqtalǵan. Epidemiologtar sonymen birge pandemiia áli kúnge deiin órship turǵan AQSh pen Braziliiadaǵy jaǵdaiǵa alańdaýly. Pandemiia Afrika elderinde de órshýde. Ońtústik Afrikada, onda 420 myńnan astam indetke shaldyǵý oqiǵasy tirkelgen.
Sonymen qatar, DDSU málimetteri boiynsha, epidemiianyń qurlyqta taralýy bastalǵannan beri 10 myńǵa jýyq meditsina qyzmetkeri koronavirýspen aýyrǵan.
