Qazaqstan Ulttyq Olimpiada komitetiniń basshysy Gennadii Golovkin jýrnalist Kevin Aiolaǵa bergen suhbatynda kásibi bokstaǵy karerasyn aiaqtaýǵa qatysty pikirin aitty.
Eske salaiyq, GGG sońǵy ret 2022 jyldyń 17 qyrkúieginde ringke shyqqan. Sol kezde qazaqstandyq sportshy meksikalyq Saýl "Kanelo" Alvareske qarsy úshinshi jekpe-jekte qazaqstandyq tóreshilerdiń biraýyzdan sheshimimen jeńilgen edi.
"Aitýdyń ózi qiyn, bul týraly oilamaisyń. Bokstaǵy ómiriń men onsyz ómir – eki bólek ekeni anyq. Súiikti otbasym, balalarym baryna alǵys. Bar nazarym otbasyma aýdy. Bul maǵan (uzaq ýaqyt jekpe-jekke shyqpaýy týraly – avt. eskertpesi) asa aýyr drama bolmaǵanyna osyndai ýáj aita alamyn. Muny jan-tánimmen túsinip úlgermedim nemese bokspen tolyqqandy qosh aityspadym, sondyqtan árdaiym jattyǵyp, fizikalyq jaǵdaiymdy jaqsy kúide ustaimyn, kareramdy aiaqtadym degen oiǵa áli tolyqtai bekigenim joq.
Qazir jaǵdaiym jaqsy, ómirim jaily, sebebi men saýmyn, ózime berilgen ýaqyttyń rahatyn kórip jatyrmyn. Bári jaqsy", - dedi Gennadii Golovkin.
Qazaqstandyq sportshy eki jyl ishinde WBA, IBF jáne IBO uiymdarynyń chempiondyq ataqtarynan bas tartty.
