قازاقستان ۇلتتىق وليمپيادا كوميتەتٸنٸڭ باسشىسى گەنناديي گولوۆكين جۋرناليست كەۆين ايولاعا بەرگەن سۇحباتىندا كەسٸبي بوكستاعى كارەراسىن اياقتاۋعا قاتىستى پٸكٸرٸن ايتتى.
ەسكە سالايىق, GGG سوڭعى رەت 2022 جىلدىڭ 17 قىركٷيەگٸندە رينگكە شىققان. سول كەزدە قازاقستاندىق سپورتشى مەكسيكالىق ساۋل "كانەلو" الۆارەسكە قارسى ٷشٸنشٸ جەكپە-جەكتە قازاقستاندىق تٶرەشٸلەردٸڭ بٸراۋىزدان شەشٸمٸمەن جەڭٸلگەن ەدٸ.
"ايتۋدىڭ ٶزٸ قيىن, بۇل تۋرالى ويلامايسىڭ. بوكستاعى ٶمٸرٸڭ مەن ونسىز ٶمٸر – ەكٸ بٶلەك ەكەنٸ انىق. سٷيٸكتٸ وتباسىم, بالالارىم بارىنا العىس. بار نازارىم وتباسىما اۋدى. بۇل ماعان (ۇزاق ۋاقىت جەكپە-جەككە شىقپاۋى تۋرالى – اۆت. ەسكەرتپەسٸ) اسا اۋىر دراما بولماعانىنا وسىنداي ۋەج ايتا الامىن. مۇنى جان-تەنٸممەن تٷسٸنٸپ ٷلگەرمەدٸم نەمەسە بوكسپەن تولىققاندى قوش ايتىسپادىم, سوندىقتان ەردايىم جاتتىعىپ, فيزيكالىق جاعدايىمدى جاقسى كٷيدە ۇستايمىن, كارەرامدى اياقتادىم دەگەن ويعا ەلٸ تولىقتاي بەكٸگەنٸم جوق.
قازٸر جاعدايىم جاقسى, ٶمٸرٸم جايلى, سەبەبٸ مەن ساۋمىن, ٶزٸمە بەرٸلگەن ۋاقىتتىڭ راحاتىن كٶرٸپ جاتىرمىن. بەرٸ جاقسى", - دەدٸ گەنناديي گولوۆكين.
قازاقستاندىق سپورتشى ەكٸ جىل ٸشٸندە WBA, IBF جەنە IBO ۇيىمدارىنىڭ چەمپيوندىق اتاقتارىنان باس تارتتى.
