Qazaqstan Ulttyq Olimpiada komitetiniń prezidenti Gennadii Golovkin Islam yntymaqtastyǵy sport qaýymdastyǵynyń (ISSA) vitse-prezidenti bolyp sailandy, dep habarlaidy ult.kz.
Bul týraly QR UOK habarlady.
Sailaý keshe, 12 qyrkúiekte Saýd Arabiiasynyń Taif qalasynda ótken ISSA-nyń 15-shi Bas assambleiasynda ótti.
Gennadii Golovkin 2026–2029 jyldarǵa arnalǵan Atqarýshy komitet quramyna Aziia jáne Eýropa óńirleri boiynsha vitse-prezident retinde endi.
ISSA prezidenti qyzmetine Saýd Arabiiasynyń sport ministri, eldiń Olimpiada jáne Paralimpiada komitetiniń basshysy, hanzada Abdýlaziz bin Týrki Ál-Feisal qaita sailandy.
Gennadii Golovkinniń ISSA basshylyǵyna sailanýy onyń halyqaralyq sport salasyndaǵy qyzmetindegi jańa kezeń boldy. Ol 2024 jyldyń aqpanynan beri Qazaqstan Ulttyq Olimpiada komitetiniń prezidenti qyzmetin atqaryp keledi.
Al 2025 jyldyń qarashasynda Gennadii Golovkin World Boxing uiymynyń prezidenti bolyp sailanǵan. Osylaisha ol Olimpiadalyq sport túrleri boiynsha halyqaralyq federatsiiany basqarǵan Qazaqstannyń alǵashqy ókili atandy.
