قازاقستان ۇلتتىق وليمپيادا كوميتەتٸنٸڭ پرەزيدەنتٸ گەنناديي گولوۆكين يسلام ىنتىماقتاستىعى سپورت قاۋىمداستىعىنىڭ (ISSA) ۆيتسە-پرەزيدەنتٸ بولىپ سايلاندى, دەپ حابارلايدى ult.kz.
بۇل تۋرالى قر ۇوك حابارلادى.
سايلاۋ كەشە, 12 قىركٷيەكتە ساۋد ارابيياسىنىڭ تايف قالاسىندا ٶتكەن ISSA-نىڭ 15-شٸ باس اسسامبلەياسىندا ٶتتٸ.
گەنناديي گولوۆكين 2026–2029 جىلدارعا ارنالعان اتقارۋشى كوميتەت قۇرامىنا ازييا جەنە ەۋروپا ٶڭٸرلەرٸ بويىنشا ۆيتسە-پرەزيدەنت رەتٸندە ەندٸ.
ISSA پرەزيدەنتٸ قىزمەتٸنە ساۋد ارابيياسىنىڭ سپورت مينيسترٸ, ەلدٸڭ وليمپيادا جەنە پاراليمپيادا كوميتەتٸنٸڭ باسشىسى, حانزادا ابدۋلازيز بين تۋركي ەل-فەيسال قايتا سايلاندى.
گەنناديي گولوۆكيننٸڭ ISSA باسشىلىعىنا سايلانۋى ونىڭ حالىقارالىق سپورت سالاسىنداعى قىزمەتٸندەگٸ جاڭا كەزەڭ بولدى. ول 2024 جىلدىڭ اقپانىنان بەرٸ قازاقستان ۇلتتىق وليمپيادا كوميتەتٸنٸڭ پرەزيدەنتٸ قىزمەتٸن اتقارىپ كەلەدٸ.
ال 2025 جىلدىڭ قاراشاسىندا گەنناديي گولوۆكين World Boxing ۇيىمىنىڭ پرەزيدەنتٸ بولىپ سايلانعان. وسىلايشا ول وليمپيادالىق سپورت تٷرلەرٸ بويىنشا حالىقارالىق فەدەراتسييانى باسقارعان قازاقستاننىڭ العاشقى ٶكٸلٸ اتاندى.
