Foto:gov.kz
Politsiia basshysy Serik Kúdebaev qańtardaǵy tártipsizdikter kezinde Taldyqorǵannan aýylyna ketip qalǵan. Bul týraly Almaty oblysynyń ákimi Qanat Bozymbaev kásipker Armanjan Baitasovqa bergen suhbatynda aitty, - dep habarlaidy Tengrinews.kz.
Óńir ákimi 5 qańtarda Politsiia departamentiniń basshysy Serik Kúdebaev komendant bolǵanyn, ol oblys ákimdigi ǵimaratyndaǵy jaǵdaidy baqylaýda ustai almaǵanyn atap ótti. Ákimdik, oblystyq Politsiia departamenti men qalalyq ákimdik ǵimaraty basyp alynǵan.
"Sońynda azamattyq bilik olarmen (búlikshilermen - esk.) jeke qaldy. Men IID (Politsiia departamenti - esk.) basshysyn izdedim. Ony tańǵa taiaý Taldyqorǵannan 300 shaqyrym jerden taptym. Ol Qaskeleńniń mańyndaǵy týǵan aýylyna ketip qalǵan. Men: "Nege ketip qaldyń?" degenimde. "Basym jaryldy, aiaǵym aýyrady, otbasymdy alyp kettim" dep jaýap berdi", - dedi Qanat Bozymbaev.
