فوتو:gov.kz
پوليتسييا باسشىسى سەرٸك كٷدەباەۆ قاڭتارداعى تەرتٸپسٸزدٸكتەر كەزٸندە تالدىقورعاننان اۋىلىنا كەتٸپ قالعان. بۇل تۋرالى الماتى وبلىسىنىڭ ەكٸمٸ قانات بوزىمباەۆ كەسٸپكەر ارمانجان بايتاسوۆقا بەرگەن سۇحباتىندا ايتتى, - دەپ حابارلايدى Tengrinews.kz.
ٶڭٸر ەكٸمٸ 5 قاڭتاردا پوليتسييا دەپارتامەنتٸنٸڭ باسشىسى سەرٸك كٷدەباەۆ كومەندانت بولعانىن, ول وبلىس ەكٸمدٸگٸ عيماراتىنداعى جاعدايدى باقىلاۋدا ۇستاي الماعانىن اتاپ ٶتتٸ. ەكٸمدٸك, وبلىستىق پوليتسييا دەپارتامەنتٸ مەن قالالىق ەكٸمدٸك عيماراتى باسىپ الىنعان.
"سوڭىندا ازاماتتىق بيلٸك ولارمەن (بٷلٸكشٸلەرمەن - ەسك.) جەكە قالدى. مەن ٸٸد (پوليتسييا دەپارتامەنتٸ - ەسك.) باسشىسىن ٸزدەدٸم. ونى تاڭعا تاياۋ تالدىقورعاننان 300 شاقىرىم جەردەن تاپتىم. ول قاسكەلەڭنٸڭ ماڭىنداعى تۋعان اۋىلىنا كەتٸپ قالعان. مەن: "نەگە كەتٸپ قالدىڭ?" دەگەنٸمدە. "باسىم جارىلدى, اياعىم اۋىرادى, وتباسىمدى الىپ كەتتٸم" دەپ جاۋاپ بەردٸ", - دەدٸ قانات بوزىمباەۆ.
