Fristaildan ulttyq quramanyń burynǵy sportshysy Aleksandr Gebert shaǵymyna qatysty tekserý sportshylar Beijiń Olimpiadan oralǵannan keiin júrgiziledi.
Bul týraly Májilis depýtattarynyń saýalyna QR Bas prokýrorynyń mindetin atqarýshy Berik Asylovtyń jaýabynda aitylǵan, dep habarlaidy QazAqparat.
«Mádeniet jáne sport ministrliginiń málimetine sáikes, Gebert Ulttyq shańǵy qaýymdastyǵynyń haty negizinde fristail-mogýldan ulttyq komandanyń shtattyq quramynan shyǵarylǵan. Degenmen, ministrlik tarapynan fristailshy Gebert shaǵymy boiynsha tekserý júrgizilmegen. Bul máseleni ministrlik elimizdiń ulttyq quramasy qysqy Olimpiadadan oralǵannan keiin qaraityn bolady», - delingen Berik Asylovtyń jaýabynda.
Aita keteiik, 2021 jyldyń qazan aiynda fristaildan ulttyq quramanyń burynǵy sportshysy Aleksandr Gebert óz bapkerin alym-salyq jinady, biliksizdik tanytty jáne quramadan zańsyz shyǵardy dep aiyptaǵan edi.
