«Gazpromneft» kompaniiasynyń Qazaqstan Respýblikasy aýmaǵyndaǵy bitým ónimderin shyǵarý jáne satý boiynsha enshiles mekemesi «Gazpromneft - Bitým Qazaqstan» mekemesi Tólebi aýdanynda qospalardy metall bóshkelerge quiýdyń jańa avtomatty jelisin iske qosady, dep habarlaidy "Ult aqparat" OQO ákiminiń baspasóz qyzmetine silteme jasap.
Bul elimiz ben jaqyn memleketterdiń jol-qurylys kompaniialary úshin eń qolaily ydys. Bul - Qazaqstandaǵy bitým zaýytynyń tehnologiialyq protsesin jańartý baǵdarlamasynyń mańyzdy kezeńi. Onyń júzege asýy Qazaqstan, Tájikstan, Qyrǵyzstan jáne basqa da elderdegi kontragenge degen suranysty qamtý úshin jylyna 15 myń tonna ónimdi quiýǵa múmkindik beredi.
Qazirgi tańda óndiristik alańda naryqta qajet etiletin BND 60/90 jáne 70/100 markaly bazalyq bitým shyǵarylady, olardyń sapasy resei men qazaqstandyq standarttarǵa sai keledi. Daiyn ónimdi jóneltý quiylǵan, sondai-aq metall bóshkelerge orap-túiilgen kúiinde iske asyrylady. «Gazprom neft» bitýmyn qoldana otyryp, Ońtústik Qazaqstan joldarynyń úshten biri, onyń ishinde iri jol jobasynyń - «BatysEýropa - Batys Qytai» transqurylyqtyq dáliziniń avtomobil joldary salyndy.
«Bitýmdyq materialdardyń joǵary sapasy men logistikalyq artyqshylyqtaryna orai, «Gazprom neft» JShS-i jumys istegen 5 jyl ishinde Qazaqstan naryǵynda tanymal oiynshyǵa ainaldy. Ózimizdiń Resei alańdarynda bitýmdyq materialdardyń tehnologiialaryn ázirleý men óndirýde kópjyldyq tabysty tájiribege ie bola otyryp, biz Qazaqstanda aktivterdi tiimdi basqarý úshin úzdik jetistikterdi belsendi qoldanyp kelemiz. Joǵary sapaly bitýmdy óndirýmen qatar, orap-túiý torabyn damytý bizge shalǵai ornalasýyna qaramai, Qazaqstan men oǵan jaqyn ornalasqan elderde tutynýshylardy qamtamasyz etýge múmkindik beredi», - deidi «Gazprom neft» JShS direktsiiasynyń kommertsiialyq direktory Levan Kadagidze.
Aita ketý kerek, zaýyt ótken 2016 jylmen salystyrǵanda, táýliktik ónimdilikti 30 paiyzǵa ulǵaityp, onyń kólemi 700 tonna tutqyr zatqa jetti. 2017 jyldyń nátijesi boiynsha zaýyt jumysshylary 200 myń tonna bitýmdyq material óndirýdi josparlap otyr. Al Qazaqstanda bitýmdyq ónimdi tutynýdyń jyl saiynǵy kólemi - 550-650 myń tonnaǵa jýyq.
«Bul Qazaqstanda bitýmdyq zaýyttyń tehnologiialyq protsesterin jańǵyrtý baǵdarlamasynyń mańyzdy kezeńi. Ony iske asyrý Qazaqstanda, Tájikstanda, Qyrǵyzstanda jáne basqa elderde kontragentterdi qamtamasyz etý úshin jylyna qosymsha 15 myń tonna ónimdi orap-túiýdi júzege asyrýǵa múmkindik beredi. Zaýyttyń geografiialyq ornalasýy qazaq jol-qurylys salasy úshin, sondai-aq sheteldik tutynýshylar úshin bitýmdyq materialdardy jóneltýge múmkindik beredi», - deidi OQO Kásipkerlik, indýstrialdy-innovatsiialyq damý jáne týrizm basqarma basshysynyń orynbasary Qanat Sydyqov.
