Gaza sektoryndaǵy qaqtyǵystyń shielenisýine bailanysty Izrail 9 myń rezervshini áskerge shaqyrady jáne jerdegi operatsiiaǵa daiyn ekenin málimdeidi. Palestinalyqtardyń zymyran shabýylynan qaza tapqandar sany 100-den asty. Gazada 600-den astam nysan qiraǵan, dep habarlaidy Euronews agenttigi.
Dúisenbiden bastap Izrailde bir jarym myńnan astam zymyran atyldy. Onyń 90%-yna tosqaýyl jasaldy, dep málimdedi jergilikti bilik.
«Temir kúmbez» júiesin qorǵaýdyń arqasynda biz shabýyl jasai alamyz. Izrail qorǵanys áskeri qazirdiń ózinde júzdegen nysanaǵa dál soqqy berdi, jaqynda olardyń sany myńnan asady. Biz óz azamattarymyzdy qorǵaý úshin HAMAS-qa soqqy beremiz», - deidi Izrail premer-ministri Biniamin Netaniahý.
Qozǵalys ókilderiniń ózi de kúresti jalǵastyrýǵa bel býyp, bir ýaqytta jaýǵa qarai júzge jýyq zymyran jibere aldyq dep málimdedi.
«Tel-Avivke, Ierýsalimge, Dimonǵa, Ashkelonǵa, Ashdodqa, Beer-Shevaǵa jáne basqa da qalalarǵa soqqy berý biz úshin sý ishýden de ońai boldy. Ári qarai da osylai bolady», - deidi HAMAS qozǵalysynyń jaýyngerlik qanatynyń ókili Abý Ýbaida.
BUU taraptardy qaqtyǵysty ýshyqtyrmaýǵa shaqyrady.
Bas hatshy Antoniý Gýterrish eldi mekenderdi tańdamai atýǵa jol berilmeitinin málimdedi.
