© AFP 2023 / MOHAMMED ABED
Syrtqy ister ministrligi Gaza sektorynda júrgen qazaqstandyqtar týraly aitty, dep habarlaidy Sputnik Qazaqstan.
Ministrliktiń resmi ókili Aibek Smadiiarovtyń aitýynsha, ol jaqta júrgen qazaqstandyqtar týraly aqparat jinaý qiyn. Sebebi bailanys nashar. Degenmen ondaǵan qazaqstandyq týraly málimet bar.
“Qolda bar aqparatqa sáikes, Gaza sektorynda Qazaqstan azamattarynyń 25 januiasy bar. Kóbisi - sol jaqqa turmysqa shyqqan azamatshalar”, - dedi Smadiiarov búgingi brifingte.
Onyń sózine qaraǵanda, Izraildiń jerdegi áskeri operatsiialaryna bailanysty Gaza sektorynda júrgen qazaqstandyqtardy anyqtaý qiyn bolyp otyr. Sebebi olar qaýipsiz jer izdep ketti.
“Ol jaqta bailanys nashar, sondyqtan barlyq aqparatty jinai almai jatyrmyz. Bir-ekeýimen bailanystyq, biraq ózderi qaýipsiz jer izdep júrgennen keiin turaqty aqparat berýge murshalary joq”, - dep atap kórsetti Smadiiarov.
