Almaty qalasynyń prokýratýrasy ońtústik óńirde suiytylǵan munai gazyn satýda basym bóligine ie (naryqtaǵy úlesi 76,9%) "Petrosun" JShS qyzmetine tekserý júrgizdi, dep habarlaidy Ulysmedia.kz.
"Osy jaǵdaidy teris paidalaný jáne avtogaz baǵasynyń shekti deńgeiin jasandy túrde qymbattatý faktileri anyqtaldy. Nátijesinde kórsetilgen kezeńdegi janarmai quny taýardyń bir tonnasy úshin 323,8%-ke deiin ósti", - dep habarlady Almaty prokýratýrasy.
Atalǵan fakti boiynsha prokýratýra Qylmystyq kodekstiń 221-babynyń ekinshi bóligi (monopoliialyq qyzmetti teris paidalaný) boiynsha qylmystyq is qozǵady.
Sotqa deiingi tergeý aiasynda kompaniia memleket biýdjetine 2,2 milliard teńgeni óz erkimen qaitardy.
Prokýratýranyń habarlaýynsha, sotqa deiingi tergeý jalǵasyp jatyr.
Qylmystyq-protsestik kodekstiń 201-babyna sáikes, basqa málimet qazirgi ýaqytta jariia etýge jatpaidy.
