videodan skrinshot
Qańtar aiynyń sońynda "Sýbarý" teleskopynyń kamerasy Gavaidyń túngi aspanynda tańǵajaiyp qubylysty túsirip alǵan. Ǵalymdar teksere kele munyń ne ekenin anyqtady, - dep habarlaidy Tengritravel.kz tilshisi Science Alert portalyna silteme jasap.
"Sýbarý" teleskopy - Japoniianyń Ulttyq astronomiialyq observatoriiasy, ol sóngen Maýna-Kea janartaýynyń shyńynda ornalasqan. Teleskop kamerasy túsirgen jasyl tizbekter biriniń artynan biri az ýaqytqa paida bolǵan. Osy bir "lazer shoýynyń" videosy Jelide taraǵan soń, adamdar bul qubylysty "Matritsa" filminde ekranda paida bolatyn jasyl kompiýterlik kod joldarymen salystyrdy. Keibireýleri tipti bul Jerdi skanerlep jatqan ózge ǵalamsharlyqtar bolýy múmkin dep boljady.
Belgisiz lazer sáýleleri paida bolǵan soń birneshe kún ótkende, Japoniia ǵalymdary bul jasyl jaryq ICESat-2 dep atalatyn NASA ǵaryshtyq spýtniginiń jumysynan shyqqan bolýy múmkin dep málimdedi. Ǵalymdardyń aitýynsha, bul spýtniktegi radiolokatsiialyq qurylǵydan shyqqan sáýleler eken.
Keiinirek ICESat-2 ushý traektoriiasyn zerttei otyryp, ǵalymdar bul qubylys basqa ǵarysh apparatynyń - qytailyq Daqi-1 spýtniginiń jumysynyń saldary boldy degen qorytyndyǵa keldi. Onyń ICESat-2 spýtnigine uqsas qurylǵylary bar.
Bul spýtnik byltyr sáýirde jerdiń atmosferasyn jáne ásirese onyń lastaný deńgeiin zertteý úshin Jer orbitasyna ushyryldy.
