Elbasy Nursultan Ábishuly Nazarbaevtyń Qazaqstan Respýblikasy úshin tókken terin, eren eńbegin eshteńemen salystyrýǵa kelmeidi. Bul pikirdi Astana halyqaralyq áýejaiyna Elbasy Nursultan Nazarbaevtyń esiminiń berilýine bailanysty qoǵam qairatkeri, ǵalym Ǵarifolla Esim bildirdi, dep habarlaidy QazAqparat.
«Elimiz Táýelsizdik alǵannan beri halyqaralyq deńgeidegi sammitter, forýmdar, kórmeler sekildi kóptegen is-sharalardy ótkizýde. Óz basym elimizdiń bas shahary, qyrandai aspanǵa sharyqtap turǵan Astananyń tórinde ornalasqan Elorda áýejaiyn Elbasymyz N.Á. Nazarbaevtyń atymen ataýǵa kelisemin. Mundai ataý tek bizde emes, álemniń aldyńǵy qatarly elderinde de bar. Mysaly Túrkiianyń Tuńǵysh Prezidenti bolǵan Mustafa Kemal Atatúriktiń aty berilgen Stambul qalasyndaǵy álemdegi úlken áýejailardyń birin ataýǵa bolady. Budan basqa Amerika Qurama Shtattarynyń 35-i Prezidenti Djon Fitsdjerald Kennedidi atap kórsetýge bolady. Sol sebepti Astana qalasynyń áýejaiyn Elbasynyń atyna ózgertý durys dep sanaimyn», - deidi ǵalym.
.jpeg)