«Garant 24 Lombard» JShS-ǵa qatysty shara qoldaný jóninde 29 Batys Qazaqstan oblysynyń turǵyny shaǵym túsirdi, dep habarlaidy "Ult aqparat". BQO politsiia departamentiniń resmi ókili Bolatbek Belgibekovtiń málim etkenindei, turǵyndar 21 aqpan kúni júgingen.
Jedel izdestirý sharalary barysynda «Garant 24 Lombard» JShS filialynyń óńirlik direktory, 1980 jylǵy oblys turǵyny qolǵa túsip, tekserý kezinde kelisimsharttar, basqa da qujattar tárkilendi.
Oblys turǵyndary «Garant 24 Lombard» JShS-ǵa shamamen 5 mlrd astam teńge salǵan. Olardyń ishinde paida kórgender de bar.
Sol sekildi oblystyń eki turǵynynan «ESTATE Lombard» JShS-ǵa qatysty shara qoldaný jóninde aryz tústi.
Jedel izdestirý sharalary barysynda bul seriktestik filialynyń óńirlik direktory, 1987 jylǵy turǵyn ustaldy.
Óńir turǵyndary bul kompaniiaǵa 800 mln teńgedei qarjysyn bergen.
Atalǵan derekter boiynsha QR QK 190-baby 4-bóligine (alaiaqtyq) sáikes tergeý amaldary júrgizilýde.
«Kúni búgin turǵyndarǵa keltirilgen shyǵyn, basqa da jábirlenýshiler anyqtalý ústinde. Sońǵy kezde óńirde alaiaqtyq derekteri kóbeiip ketip otyr», - dedi QazAqparat tilshisine B.Belgibekov.
Eske sala keteiik, budan buryn Oralda eki adamnyń shaǵymdaýny boiynsha «Garant 24 Lombard» direktory ustalǵanyn jazǵan bolatynbyz.
