Búgin gandboldan qyzdar arasyndaǵy Aziia chempionatynyń ekinshi týrynda Qazaqstan quramasy Gonkongten basym tústi, dep habarlaidy QazAqparat.
Qazaqstandyq sportshylar Gonkong qyzdaryn 31:29 esebimen jeńdi. Birinshi kezeńde qazaqstandyq sportshylar 17:14 esebimen tize búktirse, ekinshi kezeńde olarǵa 14:15 esebimen jol berdi.
Qyzdar A tobynda Ońtústik Koreia, Gonkong, Singapýr, Qatar, Ózbekstan quramalarymen synǵa túsedi.
Qazaqstandyq gandbolshylar endi 17 qyrkúiekte Ózbekstanmen sheberlik baiqasady. Al 21 qyrkúiekte Ońtústik Koreiamen kezdesedi.
Ulttyq qurama budan buryn Singapýrden 33:18 esebimen basym tústi.
Al V tobynda Iordaniia, Japoniia, Iran, Úndistan, Kýveit, Aýǵanstan bar.
Aziia chempionatynda 23 qyrkúiekte jartylai final ótkizilse, final 25 qyrkúiekke belgilengen.
Aita ketsek, qurlyqtyq doda 1987 jyldan beri turaqty túrde ótkizilip keledi.
Buǵan deiin Ońtústik Koreia 14 márte chempion atandy. Al Qazaqstan quramasy 2002 jáne 2010 jyldary eki márte jeńimpaz tuǵyrynan kórindi. Al Japoniia bir márte altynnan alqa taqty.
