بٷگٸن گاندبولدان قىزدار اراسىنداعى ازييا چەمپيوناتىنىڭ ەكٸنشٸ تۋرىندا قازاقستان قۇراماسى گونكونگتەن باسىم تٷستٸ, دەپ حابارلايدى قازاقپارات.
قازاقستاندىق سپورتشىلار گونكونگ قىزدارىن 31:29 ەسەبٸمەن جەڭدٸ. بٸرٸنشٸ كەزەڭدە قازاقستاندىق سپورتشىلار 17:14 ەسەبٸمەن تٸزە بٷكتٸرسە, ەكٸنشٸ كەزەڭدە ولارعا 14:15 ەسەبٸمەن جول بەردٸ.
قىزدار ا توبىندا وڭتٷستٸك كورەيا, گونكونگ, سينگاپۋر, قاتار, ٶزبەكستان قۇرامالارىمەن سىنعا تٷسەدٸ.
قازاقستاندىق گاندبولشىلار ەندٸ 17 قىركٷيەكتە ٶزبەكستانمەن شەبەرلٸك بايقاسادى. ال 21 قىركٷيەكتە وڭتٷستٸك كورەيامەن كەزدەسەدٸ.
ۇلتتىق قۇراما بۇدان بۇرىن سينگاپۋردەن 33:18 ەسەبٸمەن باسىم تٷستٸ.
ال ۆ توبىندا يوردانييا, جاپونييا, يران, ٷندٸستان, كۋۆەيت, اۋعانستان بار.
ازييا چەمپيوناتىندا 23 قىركٷيەكتە جارتىلاي فينال ٶتكٸزٸلسە, فينال 25 قىركٷيەككە بەلگٸلەنگەن.
ايتا كەتسەك, قۇرلىقتىق دودا 1987 جىلدان بەرٸ تۇراقتى تٷردە ٶتكٸزٸلٸپ كەلەدٸ.
بۇعان دەيٸن وڭتٷستٸك كورەيا 14 مەرتە چەمپيون اتاندى. ال قازاقستان قۇراماسى 2002 جەنە 2010 جىلدارى ەكٸ مەرتە جەڭٸمپاز تۇعىرىنان كٶرٸندٸ. ال جاپونييا بٸر مەرتە التىننان القا تاقتى.
