Gandboldan áielder quramasy arasyndaǵy Tokio Olimpiadasyna irikteý satysy aiaqtaldy, dep habarlaidy "Ult aqparat".
Qazaqstan quramasy synǵa túsetin ekinshi toptaǵy irikteý oiyndary Majarstanda ótti. Qazaqstandyq gandbolshylardyń qarsylastary Majarstan, Resei jáne Serbiia quramalary boldy. Otandastarymyz barlyq kezdesýde qarsylastaryna jeńildi. Aldymen Vengriiadan 19:46, odan keiin Reseige 26:33 esebimen jol berdi.
Úshinshi oiynda Serbiiamen sheberlik baiqasyp, olarǵa 30:42 esebimen ese jiberdi.
Nátijesinde ekinshi toptan Majarstan jáne Resei quramalary Tokio Olimpiadasyna joldama aldy. Ózge toptarda Ispaniia, Shvetsiia, Chernogoriia, Norvegiia quramalary osyndai múmkindikke ie boldy.
Tokio Olimpiadasynda gandboldan áielder arasynda barlyǵy 12 qurama synǵa túsedi. Búginge deiin atalǵan týrnirge Japoniia, Frantsiia, Braziliia, Ońtústik Koreia, Angola, Niderlandy quramalary joldama alǵan edi.
Esterińizge sala ketelik, quramamyz 2008 jyly Olimpiada oiyndarynda baq synap, jalpy komandalyq esepte onynshy orynǵa taban tiregen bolatyn.
Aita keteiik, Qazaqstan Tokio Olimpiadasyna 100 joldama ielenýdi josparlap otyr.
