گاندبول: توكيو وليمپياداسىنا قاتىساتىن ەيەلدەر قۇراماسى تٷگەلدەي انىقتالدى

گاندبولدان ەيەلدەر قۇراماسى اراسىنداعى توكيو وليمپياداسىنا ٸرٸكتەۋ ساتىسى اياقتالدى, دەپ حابارلايدى "ۇلت اقپارات".

قازاقستان قۇراماسى سىنعا تٷسەتٸن ەكٸنشٸ توپتاعى ٸرٸكتەۋ ويىندارى ماجارستاندا ٶتتٸ. قازاقستاندىق گاندبولشىلاردىڭ قارسىلاستارى ماجارستان, رەسەي جەنە سەربييا قۇرامالارى بولدى. وتانداستارىمىز بارلىق كەزدەسۋدە قارسىلاستارىنا جەڭٸلدٸ. الدىمەن ۆەنگرييادان 19:46, ودان كەيٸن رەسەيگە 26:33 ەسەبٸمەن جول بەردٸ.

ٷشٸنشٸ ويىندا سەربييامەن شەبەرلٸك بايقاسىپ, ولارعا 30:42 ەسەبٸمەن ەسە جٸبەردٸ. 

نەتيجەسٸندە ەكٸنشٸ توپتان ماجارستان جەنە رەسەي قۇرامالارى توكيو وليمپياداسىنا جولداما الدى. ٶزگە توپتاردا يسپانييا, شۆەتسييا, چەرنوگورييا, نورۆەگييا قۇرامالارى وسىنداي مٷمكٸندٸككە يە بولدى. 

توكيو وليمپياداسىندا گاندبولدان ەيەلدەر اراسىندا بارلىعى 12 قۇراما سىنعا تٷسەدٸ. بٷگٸنگە دەيٸن اتالعان تۋرنيرگە جاپونييا, فرانتسييا, برازيلييا, وڭتٷستٸك كورەيا, انگولا, نيدەرلاندى قۇرامالارى جولداما العان ەدٸ. 

ەستەرٸڭٸزگە سالا كەتەلٸك, قۇرامامىز 2008 جىلى وليمپيادا ويىندارىندا باق سىناپ, جالپى كوماندالىق ەسەپتە ونىنشى ورىنعا تابان تٸرەگەن بولاتىن. 

ايتا كەتەيٸك, قازاقستان توكيو وليمپياداسىنا 100 جولداما يەلەنۋدٸ جوسپارلاپ وتىر.