Qazaqstan bioártúrlilikti saqtaý qaýymdastyǵy (QBSQ) men QR BǴM «Biologiialyq qaýipsizdik máseleleri ǵylymi-zertteý institýty» (BQM ǴZI) RMK birlesken ekspeditsiiasy Batys Qazaqstan oblysynda 10 kiikke GPS sensory bar moiynbaý taqty, dep habarlaidy "Ult aqparat" qaýymdastyq saityna silteme jasap.
15 qarashada bastalǵan ekspeditsiia barysynda zertteýshiler barlyǵy 12 bókendi ustady. Olardyń ishinde 3 jastan aspaǵan 10 urǵashy kiikke GPS trekkerin taqty, eki saiǵaqtan (tekesi) biomaterial synamalary alyndy.
Júirik dala kiikterin ustap alý ońai emes, olardy qolǵa túsirý QBSQ-nyń 2009 jylǵy tásilimen júrgizildi.
Bul jumystar QBSQ men BQM ǴZI arasyndaǵy ǵylymi seriktestik týraly kelisim aiasynda iske asyryldy. Tańbalanǵan kiikterdi eki uiym da baqylap otyrady. QBSQ – migratsiia men kúzet joldaryn qadaǵalasa, institýt – kiikterdiń aýrýyn zertteýmen ainalyspaq.
Janýarlardy aýlaýǵa QBSQ, BQM ǴZI, «Ohotzooprom» ÓB jáne QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar álemi komiteti oblystyq aýmaqtyq inspektsiiasynyń qyzmetkerleri qatysty.
