"Ǵalamdyq metan mindeti" jobasyna 32 el qosylyp, 2030 jylǵa deiin metandy aýaǵa shyǵarýdy 30%-ǵa qysqartý mindetin aldy. "Osylai halyqaralyq qaýymdastyq ǵalamdyq jylynýǵa qarsy tura alady" dep málimdedi dúisenbi kúni AQSh prezidenti Djo Baiden. Bul týraly Azattyq radiosy jazady.
Joba qarasha aiynda Shotlandiiada ótetin BUU-nyń klimatqa qatysty konferentsiia qarsańynda daiyn bolmaq. Onyń maqsaty – álem elderin ortaq sharaǵa qosylyp, aýa temperatýrasyn 2100 jylǵa qarai 1,5 gradýsqa ǵana kóterilýin ustap qalý. Bul qurǵaqshylyqtan, qatty ystyqtan, ekojúie apatynan saqtap qalýǵa kómektesedi deidi.
Metan – aýa temperatýrasynyń kóterilýine áser etetin kómirqyshqyl gazdan keiingi ýly zat. Mamandar ol tipten kómirqyshqyl gazynan da qaýipti bolýy múmkin deidi. 20 jylda atmosferany 80 esege kúidirip jiberýi múmkin.
AQSh qazirdiń ózinde munai jáne gaz shyǵaratyn uńǵymadan metannyń bólinip shyǵýyn azaityp jatyr. Metannyń bólinip shyǵýyn azaitý jobasyn álemdi lastap jatqan 20 iri eldiń toǵyzy qoldady. Olar - AQSh, Eýroodaqqa múshe elder, Kanada, Indoneziia, Pákistan, Meksika, Nigeriia, Argentina jáne Irak. Bul jobaǵa Qytai, Úndistan, Resei jáne Braziliia kirýge daiyn.
