"عالامدىق مەتان مٸندەتٸ" جوباسىنا 32 ەل قوسىلىپ, 2030 جىلعا دەيٸن مەتاندى اۋاعا شىعارۋدى 30%-عا قىسقارتۋ مٸندەتٸن الدى. "وسىلاي حالىقارالىق قاۋىمداستىق عالامدىق جىلىنۋعا قارسى تۇرا الادى" دەپ مەلٸمدەدٸ دٷيسەنبٸ كٷنٸ اقش پرەزيدەنتٸ دجو بايدەن. بۇل تۋرالى ازاتتىق راديوسى جازادى.
جوبا قاراشا ايىندا شوتلاندييادا ٶتەتٸن بۇۇ-نىڭ كليماتقا قاتىستى كونفەرەنتسييا قارساڭىندا دايىن بولماق. ونىڭ ماقساتى – ەلەم ەلدەرٸن ورتاق شاراعا قوسىلىپ, اۋا تەمپەراتۋراسىن 2100 جىلعا قاراي 1,5 گرادۋسقا عانا كٶتەرٸلۋٸن ۇستاپ قالۋ. بۇل قۇرعاقشىلىقتان, قاتتى ىستىقتان, ەكوجٷيە اپاتىنان ساقتاپ قالۋعا كٶمەكتەسەدٸ دەيدٸ.
مەتان – اۋا تەمپەراتۋراسىنىڭ كٶتەرٸلۋٸنە ەسەر ەتەتٸن كٶمٸرقىشقىل گازدان كەيٸنگٸ ۋلى زات. ماماندار ول تٸپتەن كٶمٸرقىشقىل گازىنان دا قاۋٸپتٸ بولۋى مٷمكٸن دەيدٸ. 20 جىلدا اتموسفەرانى 80 ەسەگە كٷيدٸرٸپ جٸبەرۋٸ مٷمكٸن.
اقش قازٸردٸڭ ٶزٸندە مۇناي جەنە گاز شىعاراتىن ۇڭعىمادان مەتاننىڭ بٶلٸنٸپ شىعۋىن ازايتىپ جاتىر. مەتاننىڭ بٶلٸنٸپ شىعۋىن ازايتۋ جوباسىن ەلەمدٸ لاستاپ جاتقان 20 ٸرٸ ەلدٸڭ توعىزى قولدادى. ولار - اقش, ەۋرووداققا مٷشە ەلدەر, كانادا, يندونەزييا, پەكٸستان, مەكسيكا, نيگەرييا, ارگەنتينا جەنە يراك. بۇل جوباعا قىتاي, ٷندٸستان, رەسەي جەنە برازيلييا كٸرۋگە دايىن.
