Gaitide 7,2 baldyq qýatty jer silkinisi saldarynan mert bolǵandar sany 227-ge jetti, dep habarlaidy "Ult aqparat" CNN-ge silteme jasap.
Qutqarýshylar men jergilikti turǵyndar ǵimarattardyń qirandylarynyń arasynan tiri qalǵandar men qurbandardy izdeýdi jalǵastyrýda.
Aita keteiik, 14 tamyzda Gaitidiń batysynda magnitýdasy 7,2-ge teń qýatty jer silkinisi boldy. Amerikalyq seismologtardyń aitýynsha, jerasty dúmpýi 10 km tereńdikte. Jer silkinisiniń oshaǵy eldiń astanasy Port-o-Prens qalasynan 125 km qashyqtyqta ornalasqan. Zilzala aýqymy men qaza tapqandardyń naqty sany ázirge belgisiz.
Gaitidegi bul zilzala 2010 jylǵy 250-300 myń adamnyń ómirin qiyp ketken joiqyn jer silkinisinen nebári 75 shaqyrym qashyqtyqta bolǵan.
