گايتيدە 7,2 بالدىق قۋاتتى جەر سٸلكٸنٸسٸ سالدارىنان مەرت بولعاندار سانى 227-گە جەتتٸ, دەپ حابارلايدى "ۇلت اقپارات" CNN-گە سٸلتەمە جاساپ.
قۇتقارۋشىلار مەن جەرگٸلٸكتٸ تۇرعىندار عيماراتتاردىڭ قيراندىلارىنىڭ اراسىنان تٸرٸ قالعاندار مەن قۇربانداردى ٸزدەۋدٸ جالعاستىرۋدا.
ايتا كەتەيٸك, 14 تامىزدا گايتيدٸڭ باتىسىندا ماگنيتۋداسى 7,2-گە تەڭ قۋاتتى جەر سٸلكٸنٸسٸ بولدى. امەريكالىق سەيسمولوگتاردىڭ ايتۋىنشا, جەراستى دٷمپۋٸ 10 كم تەرەڭدٸكتە. جەر سٸلكٸنٸسٸنٸڭ وشاعى ەلدٸڭ استاناسى پورت-و-پرەنس قالاسىنان 125 كم قاشىقتىقتا ورنالاسقان. زٸلزالا اۋقىمى مەن قازا تاپقانداردىڭ ناقتى سانى ەزٸرگە بەلگٸسٸز.
گايتيدەگٸ بۇل زٸلزالا 2010 جىلعى 250-300 مىڭ ادامنىڭ ٶمٸرٸن قيىپ كەتكەن جويقىن جەر سٸلكٸنٸسٸنەن نەبەرٸ 75 شاقىرىم قاشىقتىقتا بولعان.
