Shymkenttiń burynǵy basshysy Ǵabidolla Ábdrahymov búgin qala ákimdiginde sońǵy jiyn ótkizip, áriptes qyzmettesterimen qoshtasty, dep habarlaidy "Ult aqparat".
«Qatty ketken kezderim bolsa, keshirim suraimyn», - dedi ol.
«Memlekettik qyzmettegi eń jaqsy jyldarym Shymkentte ótti. Orynbasarlaryma, bólim basshylaryna, aýdan ákimderine, jergilikti politsiia qyzmetiniń basshylaryna alǵys aitamyn. Jumysta bári bolady, eger sizderdi renjitken bolsam, keshirim suraimyn. Men shyn júregimmen sizderdi qurmetteimin», - dedi Ǵabidolla Ábdrahymov.
Jiynda Ǵabidolla Ábdirahymovqa da jyly lebizder aityldy. Onyń elden erek eńbegin sóz etkender endigi qyzmetine sáttilik tiledi.
«Sizben jumys isteý bir ǵanibet. Ketkenińizdi qalamap edik. Biz ǵana emes, shymkenttikter de. Sizdiń qalǵanyńyzdy suradyq. Sizdi bári jaqsy kóredi, qurmetteidi. Birge istegen jumysymyz úshin raqmet. Alda sizge sáttilik tileimiz. Siz bizge kóp nárse úirettińiz. Biz bir ujym bolyp jumys istedik» - dedi Shymkent qalalyq biýdjetti josparlaý bóliminiń basshysy Gúljan Qurmanbekova.
Esterińizge salaiyq, Ǵabidolla Ábdrahymov 2015 jyldyń tamyzynan bastap Shymkenttiń ákimi boldy. Al, kúni keshe ol "Nur Otan" partiiasynyń hatshysy laýazymyna taǵaiyndalǵan edi.
