Qazaqstan Respýblikasy Úkimetiniń Qaýlysymen Ǵabidolla Abdýllauly Ospanqulov Qazaqstan Respýblikasynyń aqparat jáne qoǵamdyq damý vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmeti habarlaidy.
Ǵabidolla Ospanqulov 1981 jyly Ońtústik Qazaqstan oblysynda týǵan. Qazaq gýmanitarlyq-zań ýniversitetin, Qazaqstan-Resei ýniversitetin, «Bolashaq» baǵdarlamasy boiynsha Birmingem ýniversitetin (Ulybritaniia) bitirgen. Túrli jyldary QR Parlamentinde, Prezident Ákimshiliginde, Ekibastuz qalasynyń ákimdiginde, QR Bilim jáne ǵylym ministrliginde jumys istedi.
2013 jyldan 2017 jyl aralyǵynda Jastar isi komitetin basqardy, QR BǴM Jastar saiasaty departamentiniń direktory boldy, QR Din jáne azamattyq qoǵam isteri ministrliginde jumys istedi.
2017 jyldyń qazan aiynan 2019 jyldyń tamyz aiy aralyǵynda Batys Qazaqstan oblysy ákiminiń orynbasary qyzmetinde boldy. 2019 jyldyń tamyz aiynan jeltoqsan aiy aralyǵynda - «Nur Otan» partiiasynyń hatshysy.
