Qazaq ádebietiniń klassigi, jazýshy Ǵabiden Mustafinniń qyzy, belgili aýdarmashy Maiia Mustafina 80 jasynda baqiǵa attandy, - dep habarlaidy "Ult aqparat".
Ol 25 mamyrda keshke koronavirýstan qaitys bolǵan. Maiia Ǵabidenqyzy ekinshi mamyrda 80 jasqa tolǵan edi.
"Ol óte kóp jumys istegenine qaramastan, keremet ana boldy. Ne istese de, árqashan otbasyna jetkilikti ýaqyt bóletin. Janýarlardy qatty jaqsy kóretin edi. Belsendi ómir saltyn ustanyp, sportpen shuǵyldandy, óte kópshil adam bolatyn", - dedi Maiia Mustafinanyń qyzy Toǵjan Seifýllina.
Mýstafina Maiia 1941 jyly 2 mamyrda jazýshy Ǵabiden Mýstafin men Zeine Mýstafinanyń otbasynda dúniege kelgen. Májit Seifýllinniń uly - Amangeldiniń jary.
30 jyl boiy Almaty qalasyndaǵy qazirgi QazHQ jáne ÁTÝ shet tilder kafedrasynda sabaq bergen.
80-jyldardyń sońynan QazKSR murajaiynda (qazirgi Ortalyq memlekettik mýzei) jumys istedi. 90-jyldardyń basynan ortasyna deiin BÝIG frantsýz firmasynda aýdarmashy bolyp jumys istegen.
"Ol respýblikadaǵy frantsýz tili salasyndaǵy úzdik mamandardyń biri boldy. Onyń kóp oqýshysy joǵary laýazymdarǵa ie. Olar: diplomattar, pedagogter jáne saiasatkerler", - dedi ol.
