Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Saiasat

Gaagada MH17 ushaǵy apatyna bailanysty sot tyńdaýy bastalady

Ult portaly
Gaagada MH17 ushaǵy apatyna bailanysty sot tyńdaýy bastalady


Dúisenbi, 7 maýsymda Gaaga aimaqtyq sotynda 2014 jyly Ýkrainada qulaǵan Malaysia Airlines áýe kompaniiasynyń MH17 ushaǵy apatyna bailanysty sot tyńdaýy bastalady. Onda apattyń jai-japsary qaralady. Lainer Amsterdam – Kýala-Lýmpýr baǵyty boiynsha ushqan. Bortta 298 adam bolǵan. Barlyǵy opat boldy.

Apatqa bailanysty aiyptalǵandarǵa qatysty sot protsesi 2020 jyly 9 naýryzda Amsterdamda bastalǵan. Iste tórt aiyptalýshy bar, úsheýi – Resei azamaty: FSB-nyń zapastaǵy polkovnigi Igor Girkin (Strelkov), GRÝ-dyń otstavkadaǵy aǵa ofitseri Sergei Dýbinskii, áýe desant áskeriniń zapastaǵy podpolkovnigi Oleg Pýlatov. Tórtinshi aiyptalýshy – ózin respýblika retinde jariialaǵan DNR-diń barlaý bóliminiń komandiri Leonid Harchenko.

2014 jyly, Ýkraina men Resei arasynda qaqtyǵys kúsheigen tusta, Malaysia Airlines áýe kompaniiasynyń Amsterdamnan Kýala-Lýmpýrge ushyp shyqqan MH17 reisi Ýkrainanyń shyǵysynda qulaǵan. Bul ýaqytta Ýkrainanyń shyǵysy Resei qoldaityn separatisterdiń baqylaýynda edi. Tergeýshiler ushaqty Reseidiń "Býk" zymyran júiesimen atyp túsirgenin aitady. 

Qaza bolǵandardyń basym bóligi (192) Niderlandy azamattary bolǵandyqtan Ýkraina osy elge tergeý júrgizýge ókilet berdi. 

Niderlandy BUU men Azamattyq aviatsiia jónindegi halyqaralyq uiymnyń (IKAO) kómegimen tergeý júrgizý mindetin moinyna aldy. 

Niderlandynyń qaýipsizdik jónindegi keńesi men Birikken tergeý toby (JIT) ushaq Ýkraina shyǵysynda memlekettik emes qarýly toptar baqylaityn aimaqta atyp túsirildi degen qorytyndyǵa kelgen.

Ýkraina shyǵysyndaǵy separatister aiypty moiyndamaidy. Resei qorǵanys ministrligi men Reseidiń resmi ókilderi de Birikken tergeý tobynyń qorytyndysyn joqqa shyǵarady. 

2017 jyly shilde aiynda Niderlandy syrtqy ister ministrligi MH17 apatyna kináliler anyqtalsa, Niderlandyda sottalady dep aitqan. 

2019 jyly qazan aiynda Resei biligi MN-17 apatyna bailanysty aiyptalǵan úsh adamnyń sotyn Reseide ótkizýdi usynǵan. Niderlandy bul usynysty qabyldamady. 

Barlyq aiyptalýshy – Igor Girkin (Strelkov), Sergei Dýbinskii, Oleg Pýlatov jáne Leonid Harchenko sotqa kelýden bas tartty. Biraq Pýlatov sotpen advokaty arqyly bailanysýǵa kelisti. Onyń múddesin niderlandylyq eki advokat pen reseilik bir zańger qorǵaidy.

Oqi otyryńyz